|
| 係呢個世界上面有醜惡的一面, 有悲傷的一面, 有歡笑的一面, 有幸福的一面;
自己有得到以上邊幾面呢? 全部都有...哈哈...
以前我可以話我得到幸福, 但今年裡面全部冇晒...
我要再努力咁去取回我所有既幸福...
我好多謝我所有朋友的關心,家人既關懷...
家姐, 你每一句說話雖然係難聽, 但出自關心內心的, 我明白; 我一直都等緊你返來架!!!
振, Alex, Carman, Sabrina,Zoie, 你哋一直都聽我訴苦, 了解我好多, 給我好多意見...
張碧, 河馬, 家祺, 盧倩怡, 無論邊個唔開心, 我哋都會互相去了解, 解決; 呢個友誼希望是永遠...
希望我唔會再病, 病魔好走啦...
要懂得照顧自己...
| | |
| 有好多人只睇表面而決定哪個人好唔好, 不會去尋根究底, 呢D人自己又係唔係好人呢?
有D事發生咗會去推件事係別人身上, 自己唔洗上身就算, 咁呢D人又係唔係好人呢?
有D人覺得某D人做咩都係衰, 唔會從人哋既身上發現優點, 只會記住缺點, 咁又係唔係好人呢?
| | |
| 14日既吃渴玩樂假期就咁完了, 又係要努力返工既時侯~~
係呢14日裡面好多開心既回憶, 亦係10年後一家再遊美加既回憶!
10 年前既影像真係冇咩了, 但今次14天既旅行一定會係美好既回憶!
呢個旅程感受到家姐對我既愛, 姐夫既愛, 父母既愛, 最可惜係阿哥去唔到, 如果唔係就perfect啦...
我感受到家姐好錫我的, 咩都為我諗, 細個時我哋係唔會拖住行街, 出街都好少, 吵架多; 今次我哋一齊行時會手拖手, 好親切; 雖然佢把口唔會講點錫我, 愛我, 仲講說話中傷我, 又笑我, 但我唔介意的, 因佢心中唔係咁我知架, 我一定會包容佢, 我知佢錫我就得!!
至於我姐夫, 哈哈...睇相都知我同佢幾咁friend先得架, 係佢會同我影一d無聊相, 勁搞笑; 家姐識到佢係佢既幸福, 亦將呢個幸福比埋我, 我覺得好幸運, 希望我都可以搵到。呢個旅程姐夫令我最感動係佢買咗支香水比我, 唔係因為件物件令我感動, 唔係因為佢買嘢比我令我開心, 係佢比咗我一個surprise, 我哋入咗一間fruit & passion既shop, 我見到支香水on sale, 好香, 想買, 但唔知點解冇買, 但不斷望住, 我為有走人咁就唔會買, 點知夜晚係酒店我等到12點到姐夫生日日子我送完份禮物後, 佢話有嘢比我, 我話又唔係我生日做咩送嘢比我, 佢話有時唔一定咩咩節日先送禮物既, 有時surprise都會令人開心架, 係咪先, 我好感動, 佢竟然可以講出d咁既說話, 哈哈...  唔係咩特別, 但香味吸引我而已...多謝姐夫johnny
性格上我同家姐有樣嘢似係唔會係把口度講有幾愛我哋的父母, 親人, 但行動會, 哈哈...或者我哋會透過sms中話比佢哋知佢哋唔係我哋身邊有多掛念, 有幾愛佢哋; 今次的旅程都係佢哋安排的, 我希望我將來會請到你哋去旅行, 呢個係我的目標。
至於我自己呢, 而家要為減肥而努力囉, 肥咗好多好多, 但隻腳好似又唔聽話啦...我唔要再洗錢係呢隻腳度呀, 我要好好保護佢, 唔比佢痛; 但我要多做運動去減返我14日裡所食的calories, 哈哈...
今日要返工啦, 返7日先有得休息一日, 有d想死...希望唔會有太多嘢做啦, hehe...
| | |
| 我真係無諗過會係咁架, 真係好心痛, 好傷心
我從來都係信任你, 但你竟然會咁, 咩都變了!!!
一齊都係假架 | | |
| 旅行... 而家係美國 Rochester, 住係家姐度...呢度都好大架...
我哋第一日好慘架, 被濟留咗係cleveland, 因rochester天氣惡劣唔比飛機降落, 所以要自行找酒店過夜! 唉...好快又到第二日早機飛去rochester去到家姐已經嚟到啦, 好yeah... 去到後, 休息下又出去行下了, 行咗一個mall, 見到對鞋想買,但諗諗下去outlet時先買嘢好D...咪未到最後一日都唔知買咗幾多嘢返嚟呀, 哈哈... 唔洗返工日子真好, 自由自在, 又唔洗煩喎...日日都要影多D相~~~ | | |
|
|
